மொழியாக்கம் ஒரு பாதை

Description

இச்சிறு நூல் எடுத்துரைப்புப்பாணியில் இல்லாமல் ஒவ்வொரு கருத்தாக/புள்ளியாக அடுக்கப்பட்டுள்ளது. மாறுபட்ட பார்வைகள், வேறுபட்ட கருத்துகள் அப்படியே தரப்படுகின்றன. கோட்பாட்டாளர்களது விவாதங்கள் மேலோங்கியிராமல், எழுத்தாளர்களது அபிப்பிராயங்களும் கணக்கில் கொள்ளப்பட்டுள்ளன. தமிழில் மொழிபெயர்ப்பின் தீவிரம் தொடப்பட்டுள்ள இடத்திலிருந்து, இந்தியாவின் பிறமொழிகளில் விவாதிக்கப்பட்டுள்ள அம்சத்திற்கு நீட்டு கொண்டு, ஐரோப்பிய, அமெரிக்க ஸ்பானிய அணுகுமுறைகள் என விரிவு கொள்கிறது. மொழிபெயர்ப்பு சரியில்லை / சரியானது என்பதைத் தாண்டி விவாதிக்க வேண்டிய விஷயங்கள் நிறைய உள்ளன. மொழிபெயர்க்கப்பட வேண்டியது தொன்மையான/புனிதமான பிரதி எனில் அங்கே நேர்மொழிபெயர்ப்பு போதாமை கொண்டுவிடும், அநேகமாக விளக்கவுரையே பொருத்தமாயிருக்கும், பின்காலனிய குழலிலான எழுத்தில் மொழியாக்கம் மறு எழுத்தாக்கமாகி விடும். இந்தியா போன்ற 21 மொழிகள் பேசப்படும் நாடுகளில் மொழிபெயர்ப்பின் தேவையும் அவசியமும் இன்னும் அதிகம் என்பது உணரப்பட வேண்டும்.