ஆதி திராவிடர் வரலாறு: தலைவர்கள் – ஆவணங்கள்

Description

ஆதிதிராவிடர் வரலாறு : தலைவர்கள் ஆவணங்கள் : திரிசிபுரம். ஆ.பெருமாள்பிள்ளையவர்கள் 1922ல் எழுதிய ஆதிதிராவிடர் வரலாறு எனும் நூல் இத்தொகுப்பில் முதல் புத்தகமாக இடம் பெறுகிறது. இதுவரை ஆதிதிராவிடர் பற்றி இருந்த கற்பிதங்களை தகர்த்தெறியும் புத்தகம் இது ஆதிதிராவிடர்கள் ஒரு குறிப்பிட்ட சாதியினர் அல்ல, அவர்கள் இந்தியத் துணைக் கண்டத்தின் ஆதி மக்கள் அவர்களின் மதங்கள் மற்றும் முன்னோர்கள் பெருமை மிக்க பின்னணிகளைக் கொண்டவர்கள் என்பதை தரவுகளோடு ஆய்கிறது. இத்தொகுப்பின் இரண்டாம் பகுதியில் அறிஞர் அன்பு பொன்னோவியம் அவர்கள் பல்வேறு காலக்கட்டங்களில் எழுதிய தலித் தலைவர்களின் வாழ்க்கை வரலாற்றுக் குறிப்புகள் இடம் பெறுகின்றன. இதுவரை தலித தலைவர்களைப் பற்றின வரலாற்றினை எழுதியவர்களுக்கு இக்குறிப்புகளே முலம் என்பது இதன் தனிச் சிறப்பு. மூன்றாவது பகுதியாக இடம் பெறுவது, கௌதம சன்னா தொகுத்துள்ள ஆதிதிராவிடர் இயக்கங்கள், அவை தொடர்பான வரலாற்று ஆவணங்கள் இந்த ஆவணங்கள் அவ்வமைப்புகளின் அமைப்பு அறிக்கைகள் மற்றும் அவை யாரைக் குறி வைத்து இயங்கின என்பதையும், அவ்வியக்கங்களின் இயக்கம் மற்றும் வளர்ச்சிப் படிநிலைகளை புரிந்துக் கொள்ளவும் உதவுகின்றன. இச்சிறப்புமிகு ஆவணங்கள் முதன்முறையாக இங்கே அச்சேறுகின்றன என்பது இப்புத்தகத்தின் தனிச்சிறப்பு.