சரோஜா ராமமூர்த்தி சிறுகதைகள் (பகுதி – 1)

Description

இந்தத் தொகுப்பில் இடம் பெற்றிருக்கும் சரோஜா ராமமூர்த்தியின் கதைகள் எளிமையானவை, நேரடியானவை, போலிப்பாசாங்குகள் அற்றவை. மிகையான சொற்கள், விவரிப்புகள் தவிர்த்தவை. தன் சம காலத்தை ஒட்டிக் குடும்பக் களத்தையே பெரும்பாலான கதைகளில் முன்னிலைப்படுத்தியிருந்தாலும், குடும்பம் தாண்டிய பார்வைகளையும் அவரது சில கதைகள் தவற விடாமல் பதிவு செய்திருக்கின்றன. ஒரு பார்வையாளராக - தன்னைச் சுற்றி இயங்கும் உலகை அதன் வேறுபட்ட வாழ்க்கைமுறைகளை அவதானித்தபடி, ஒரு வழிப்போக்கரைப்போல உள்ளதை உள்ளபடி சொல்லிக்கொண்டே செல்பவை அவரது கதைகள். அவர் பதிவு செய்த வாழ்க்கையும் அதன் மதிப்பீடுகளும் இன்று மாறியிருக்கலாம். ஆனால், அந்த மாற்றத்துக்கான அடித்தளம் அமைத்ததில் முன்னோடிப்பெண் எழுத்துகளுக்குத் தவிர்க்க முடியாத மிகச்சிறிய ஒரு பங்காவது இருப்பதை மறுத்துவிட முடியாது.-எம்.ஏ.சுசீலா