மொழிபெயர்ப்பு என்றால் என்ன?

Description

மொழியாக்கம் என்ற சொல் இரண்டு மொழிகளுக்கு இடையேயான உறவுக்கு அப்பால் நம்மை இட்டுச்செல்லும் சாத்தியப்பாட்டைக் கொண்டிருக்கிறது. அதாவது, மொழியாக்கம் என்ற சொல் மூல மொழி, வந்தடையும் மொழி போன்ற புள்ளிகளைக் கொண்டிருக்க வேண்டிய அவசியமில்லாமல் இருப்பது போலும் தெரிகிறது. மொழியை ஆக்குதல், அதாவது மொழியை உருவாக்குதல் என்ற சாத்தியப்பாட்டைக் கொண்டிருப்பதாகத் தெரிகிறது. ஆனால், எதற்கு மொழியை உருவாக்குகிறோம்? மொழிகளுக்கு இடையேயான உறவின் அடிப்படையில் மூலத்திற்கான மொழியை உருவாக்குகிறோம் என்று சொல்வோம் என்றால், நாம் மொழிபெயர்ப்பு கொண்டிருக்கும் பிரச்சினைகளுக்குள் மீண்டும் சிக்கிக்கொள்கிறோம் என்றாகிறது. ஆக, மொழியாக்கத்தின் அடிப்படையை மொழிகளுக்கு இடையேயான உறவாகச் சுருக்காமல் அதன் சாத்தியப்பாடுகளை அணுக வேண்டியிருக்கிறது. அந்த வகையில் மொழியாக்கம் என்பதன் பரப்பை இச்சிறு நூல் துருவியகழ்கிறது.