அவள் ஒரு ரசிகை

Description

கவிதை என்பது கவிஞனின் உள்ளத்தில் பறக்கும் ஒரு ரகசியப் பறவை. சில நேரங்களில் அது கண்ணுக்குப் புலப்படும்; சில நேரங்களில் அகக்கண்களின் நிழலாக இருக்கும். ஆனாலும், அந்தப் பறவையின் சிறகுகளின் ஓயாத சலசலப்பு கேட்டுக்கொண்டே இருக்கும்."அவள் ஒரு ரசிகை" எனும் இந்தத் தொகுப்பில், ஸ்வேதாவின் ரகசியப் பறவை தன் சிறகுகளை விரித்துப் பறக்கிறது.கவிதை என்பது சிதைவிலும் அழகைக் காண வைக்கும் கலை மட்டுமல்ல; இடிந்து போன சுவர்களில் நம்பிக்கையைக் கட்டியெழுப்பும் தயாளமும் ஆகும்.இந்தத் தொகுப்பின் ஒவ்வொரு வரியும் நம் அன்றாட வாழ்க்கையில் மறைந்து கிடக்கும் சிறிய உணர்வுகளை வெளிச்சத்திற்குக் கொண்டு வருகிறது. இத்தகைய கவிதைகள் இளைய தலைமுறையினருக்கும், கவிதை ரசிக்கத் தெரியாதவர்களுக்கும் கூட சுவாரசியமாக இருக்கும். "அவள் ஒரு ரசிகை" என்ற தலைப்பே, வாசகனையும் இந்தக் கவிதைகளின் ரசிகனாக மாற்றும் ஓர் அழைப்பு போலத் தெரிகிறது.இந்த அழகான கவிதைத் தொகுப்பை வாசகர்கள் விரும்பி, மீண்டும் மீண்டும் வாசித்து, தங்களது வாழ்வோடு ஒப்புமைப்படுத்திப் பார்ப்பார்கள் என்று நம்புகிறேன்.எனது அன்பு நல்வாழ்த்துகளும் பாராட்டுகளும்!-எஸ்தர் ராணி