‘தி இந்து’ பொங்கல் மலர் 2018

Description

ஐந்தாம் ஆண்டில் ‘தி இந்து’ தமிழ் நாளிதழின் பொங்கல் மலர் தயாராகிவிட்டது. அனைத்துத் தரப்பு வாசகர்களையும் மகிழ்விக்கும் வகையிலும் ரசனையை மேம்படுத்தும் வகையிலும் இந்த பொங்கல் மலரும் அமையும். – பிரபல எழுத்தாளர்களின் கட்டுரைகள், கதைகள்; கைலாய யாத்திரை முதல் பிள்ளையார்பட்டி பிள்ளையார் வரையிலான ஆன்மிகக் கட்டுரைகள்; ஜல்லிக்கட்டு காளைகளுக்கும் சாதாரண மக்களுக்கும் இடையிலான பிரிக்க முடியாத பிணைப்பைப் பேசும் படங்கள் நிறைந்த கட்டுரை; கேரளம், கர்நாடகம், ஆந்திரம் முதல் ஆசிய நாடுகள், கனடா வரையிலான பொங்கல் கொண்டாட்டங்களைக் கூறும் பிரபல எழுத்தாளர்களின் கட்டுரைகள்; உலகம் வியக்கும் தஞ்சை பெரிய கோயில் பற்றி சினிமா ஒளிப்பதிவாளர் ஸ்ரீராம சந்தோஷின் ஒளிப்படத் தொகுப்பு; பிரபல பாடகி சுதா ரகுநாதன், நாட்டிய ஆசான் ஹேரம்பநாதனின் பேட்டிகள்; கர்னாடக இசையின் பிதாமகரான தியாகராஜரின் 250-வது ஜயந்தியை ஒட்டி பாடகி பாம்பே ஜெயஸ்ரீ, மூத்த எழுத்தாளர் வீயெஸ்வி உள்ளிட்டோர் எழுதிய இசை மணம் கமழும் கட்டுரைகள்; 20 இசைக்கருவிகளின் சிறப்பு, தனித்தன்மையை சுருக்கமாகக் கூறும் சொற்சித்திரங்கள்; கடந்த 10 ஆண்டுகளில் நாடு முழுவதும் பேசப்பட்டுவரும் மலையாளம், கன்னடம், தெலுங்கு, இந்தி, மராத்தி, வங்க மொழி சினிமாக்களை ஆழமாகவும் விரிவாகவும் அறிமுகப்படுத்தும் சினிமா கட்டுரைகள்; யுகபாரதி, அ. வெண்ணிலா,  என். ஸ்ரீராம்  உள்ளிட்டோர் எழுதிய கிராமப் பகுதிகளைச் சேர்ந்த மண் மணம் கமழும் ஐந்து சிறுகதைகள்.