புதுமைப்பித்தன் கதைகள் (ரோஜா முத்தையா ஆராய்ச்சி நூலகம்)

Description

மேதை என்கிற சொல்லுக்கு ஓர் இலக்கணமாக இருந்தவர் சொ. விருத்தாசலம். புதுமைப்பித்தன் என்கிற புனைபெயர் அவருக்கு மிகவும் பொருத்தமான பெயர். நல்ல இலக்கியம் அமைக்க ஒரு புதுமை ஆர்வமும் அத்துடன் சற்றே பித்தமும் சேர்ந்திருக்க வேண்டும். இரண்டும் அவரிடம் இருந்தன.- க. நா. சுப்ரமண்யம்சொ.வி. ஒரு மேதை, திறமைசாலி மட்டும் அல்ல, திறமையைச் சம்பாதித்துக்கொள்ள முடியும். மேதை தானாக இயங்குவது. மேதையை உலகம் உடனே புரிந்துகொள்ள முடிகிறதில்லை; பின்னிட்டுத்தான் அறிந்துகொள்ளுகிறது.-சி. சு. செல்லப்பாஇலக்கியக் கள்வனின் பேய்க் கனவு; புத்தகாசிரியர்களுக்கு ஓட்டக்கூத்தன்; சாகக்கிடந்த தமிழுக்கு சஞ்சீவி பாவதம்; உலக இலக்கியச் சங்கப் பலகையில் "உங்களிலே யானொருவன் ஒவ்வேனோ" என்று பாடாமலே இடம்பெற்ற மேதை.-தொ. மு. சி. ரகுநாதன்எடுத்துக்கொண்ட விஷயத்தை உயிரோடு, உணர்ச்சியோடு பிரதிபலிக்கும் ஆற்றல் வாய்ந்த நடை; கையாளும் நடையின் பெருமிதத்துக்கேற்ற, மிக ஆழ்ந்த விஷயம்; கதையின் உருவமும் பூரணத்துவம் பெற்றது. உருவமும் கதைப் போக்கும் தனித்தன்மை பெற்றவை. உலகத்தின் எந்தக் கதாசிரியரின் பாணியையும் பின்பற்றாமல், தமக்கென்று ஒரு தனிப் பாணியை அமைத்துக் கொண்டார். இப்படி அமைத்துக்கொண்ட தமிழ் எழுத்தாளர்கள் மிக மிகச் சொற்பம்.- கு. அழகிரிசாமிபுதுமைப்பித்தன் சிந்தனையைக் கலையாக்கும் கலைஞன்; கலைப்படைப்பு அவரது சிந்தனை - கற்பனையின் பிழிவு, மேலோட்டமாக வாழ்க்கையைப் பார்த்து, நடக்கின்ற எதார்த்தத்தை இலக்கியப் படைப்பில் அவர் பிரதிபலிக்கவில்லை. அறிவு இகந்த விளிம்பில் தம்மை நிறுத்திக்கொண்டு அறிவார்ந்ததாகச் சொல்லப்படுகின்ற எதார்த்த வாழ்க்கையை அவதானிக்க முயன்றுள்ளார்.- ராஜ் கௌதமன்