உன்னதமான உலக சினிமாக்கள்

Description

சினிமா பாஸ்கரன் அடிப்படையில் நண்பர் திரைப்பட இயக்குனர். தான் இயக்கிய இன்ஷா அல்லா என்ற திரைப்படத்திற்காக பல சர்வதேச விருதுகளை பெற்று இருப்பது குறிப்பிடத்தக்கது. அப்படியான ஒரு இயக்குனர் பல்வேறு திரைப்பட விழாக்களில் கலந்து கொண்டு திரைப்பட விழாக்களில் திரையிடப்படும் ஒவ்வொரு திரைப்படத்தையும் தன் முகநூல் பக்கத்தில் விரிவாக எழுதி அவற்றை தமிழ்நாட்டுக்கு அறிமுகம் செய்யும் பெரும் பணியை செய்து வந்தார். நிகழ்கால உலக சினிமாவில் நடப்பதை கவனித்து எழுதுவது மிகவும் முக்கியமானது. ஏற்கனவே உலக சினிமாக்கள் என்று உலகம் போற்றிய கடந்த கால திரைப்படங்களைப் பற்றி நிறைய புத்தகங்கள் வந்திருந்த போதிலும் சமகாலத்தில் கலை ரசனையோடு அந்தத் திரைப்படங்கள் பேசும் உன்னத உணர்வுகளை அதன் நோக்கங்களை சுட்டிக்காட்டி அவற்றைப் படிப்பவர்களை அந்த திரைப்படங்களை தேடி எப்படியாவது பார்த்து விட வேண்டும் என்ற உந்துதலை உண்டாக்கிக் கொண்டே இருந்தார். அவற்றையெல்லாம் தனது சமூக வலைத்தளங்களில் (கபேஸ்புக் வலைப்பதிவுகள்) மூலம் எழுதினார். சினிமா ரசனை உயர்த்தும் அவரது நோக்கம் உண்மையில் பாராட்டத்தக்கது. என்னை பொருத்தமட்டில் திரைப்பட கல்வி மற்றும் திரைப்பட ரசனை கல்வி என்பது எடுக்கப்பட்ட சிறந்த திரைப்படங்கள் தான் ஆகையால் அவர் எழுதுவதை ஒரு நூலாக கொண்டு வாருங்கள் என்றேன்.தீவிர சினிமா ரசிகர்களுக்கும் இன்றைய சினிமா மாணவர்களுக்கும் எதிர்காலச் சினிமா கலைஞர்களுக்கும் பயன்படும் வகையில் உலக சினிமா பாஸ்கரன் 'உலகின் உன்னத சினிமாக்கள்' என்ற இந்த நூலை படைத்திருக்கிறார். சினிமாவை ஆழமாக நேசிப்பவர்களுக்கு இந்த நூல் ஒரு பொக்கிஷம். வாழ்த்துகள்.சீனு ராமசாமி,தேசிய மற்றும் சர்வதேச விருதுகள் பெற்ற திரைப்பட இயக்குனர், கவிஞர்.